Verkstæði
BL rekur eitt fullkomnasta þjónustuverkstæði landsins. Það er vel búið tækjum og starfsfólkið hefur hlotið staðlaða starfsþjálfun hjá þeim bílaframleiðendum sem BL hefur umboð fyrir. Viðskiptavinir BL geta hvenær sem er leitað aðstoðar þjónustudeildar.
Staðsetningar
Þjónustuaðilar
Viðurkenndir þjónustuaðilar geta sinnt öllum viðgerðum, s.s. ábyrgðarviðgerðum, innköllunum eða almennum viðgerðum, fyrir þau merki sem BL selur. Viðurkennd þjónustuverkstæði eru búin bilanagreinum frá framleiðendum, hafa aðgang að viðgerðarbókum og tækniupplýsingum beint frá framleiðanda, bjóða upp á viðurkennda varahluti og sækja námskeið í boði framleiðenda til að viðhalda þekkingu og færni í viðgerðum á nýjustu gerðum ökutækja. Á viðurkenndum þjónustuverkstæðum eru viðgerðir og þjónustuskoðanir framkvæmdar samkvæmt stöðlum framleiðanda og leiðbeiningum sem tryggir það að ábyrgð ökutækisins heldur sér til fulls.
ATH! Ábyrgðarviðgerðir og innkallanir vegna BMW og Jaguar Land Rover ökutækja er einungis hægt að fá framkvæmdar á verkstæði BL þar sem ekkert annað verkstæði er með vottun framleiðanda vegna slíkra viðgerða.
Neyðarþjónusta
Neyðarþjónusta vegna bíla í ábyrgð
Ef bilun verður í bíl sem er innan ábyrgðar og kalla þarf eftir neyðarþjónustu, er hún bíleiganda að kostnaðarlausu að uppfylltum skilyrðum ábyrgðarinnar. Neyðarþjónustu utan hefðbundins opnunartíma er sinnt af starfsmönnum Króks. Starfsmenn Króks sjá um að sækja bíl viðskiptavina og koma með bílaleigubíl í þeim tilfellum sem það á við.
525 8000
Skutlþjónusta
Í boði alla virka daga milli 8.00 og 16.00
Þegar þú kemur með bílinn þinn í skoðun eða viðgerð hjá okkur bjóðum við upp á skutlþjónustu – við keyrum þig heim eða í vinnuna og sækjum þig síðan aftur þegar bíllinn þinn er tilbúinn. Akstursþjónusta er í boði alla virka daga milli 8.00 og 16.00